सध्या जगभरातून कोरोना लसीची मागणी केली जात आहे. देशात कोरोनावरील लस विकसित करण्यासाठी युद्धपातळीवर प्रयत्न सुरू आहे. तर भारतात सध्या तीन लसींची चाचणी सुरू आहे.
परंतु या लसींमध्ये कोणत्या लसीला परवानगी देण्यात येईल याबाबत इंडियन काऊन्सिल ऑफ मेडिकल रिसर्चनं (आयसीएमआर) महत्त्वाची माहिती दिली आहे.
यावर करोनाच्या त्या लसींना मान्यता देण्यात येईल ज्या लसी चाचणीच्या तिसऱ्या टप्प्यात ५० टक्के लोकांवर प्रभावी ठरतील, असे सेंट्रल ड्रग्‍स अँड स्‍टँडर्ड कंट्रोल ऑर्गनाइझेशनच्या अहवालात सांगितले आहे.
आयसीएमआरचे महासंचालक डॉ. बलराम भार्गव यांनी ५० ते १०० टक्के प्रभावी ठरणाऱ्या करोनाच्या लसीच्या वापराला मंजुरी दिली जाऊ शकल्याची माहिती दिली आहे.
सेंट्रल ड्रग्‍स अँड स्‍टँडर्ड कंट्रोल ऑर्गनाइझेशनच्या (CDSCO) करोना लसीबाबत जारी करण्यात आलेल्या ड्राफ्ट गाईडलाईन्सच्या एका दिवसानंतर त्यांनी हे वक्तव्य केलं आहे.
जागतिक आरोग्य संघटनेनं ५० टक्के कार्यक्षमता असलेल्या लसीलाही मंजुरी देण्यात येणार असल्याचं म्हटलं आहे. कोणत्याही लसीमध्ये सुरक्षा, इम्युनोजेनिसिटी आणि कार्यक्षमता आवश्यक आहे. श्वसनाच्या आजाराशी निगडीत कोणतीही लस १०० टक्के प्रभावी नाही.
आयसीएमआरनं दिलेल्या माहितीनुसार भारतात तयार झालेली लस ही अधिक प्रभावी ठरणार आहे. सोबत ऑक्सफर्डच्या लसीच्या सुरूवातीच्या चाचण्यांमध्ये उत्तम निरिक्षणं नोंदवण्यात आली आहेत.
