गुरुवारी केंद्रीय गृहमंत्री व भाजपचे वरिष्ठ नेते अमित शहा यांच्या हस्ते आदिवासी बहुल बांकुरा येथे स्वातंत्र्य सैनिक बिरसा मुंडा यांच्या पुतळ्याला हार घालण्याचा कार्यक्रम पार पडला. हा कार्यक्रम भाजपच्या पदधिकार्यांनी आयोजित केला होता. यावेळी अमित शहा यांनी स्वातंत्र्य सैनिक बिरसा मुंडा यांचा पुतळा समजून आदिवासी समाजाच्या दुसर्याच नेत्याच्या पुतळ्याला हार घातला.
ही चूक भाजपच्या पदाधिकार्यांच्या लक्षात आल्यानंतर त्यांनी तातडीने बिरसा मुंडा यांची प्रतिमा मागवली व ती पुतळ्याच्या पायाशी ठेवून त्याच्यावर फुले वाहण्याचा कार्यक्रम शहा यांच्या हस्ते उरकून घेतला.
हा कार्यक्रम पार पडल्यानंतर अमित शहा यांनी “आज प. बंगालमधील बांकुरा येथे प्रसिद्ध आदिवासी नेता भगवान बिरसा मुंडा यांना फुले अर्पित केली. बिरसा मुंडा यांनी आपले जीवन आदिवासींच्या अधिकारासाठी, त्यांच्या उत्थानासाठी समर्पित केले होते. त्यांचे साहस, संघर्ष व बलिदान आम्हा सर्वांना प्रेरणा देत राहील,” असे ट्विट केले.
Paid floral tributes to legendary tribal leader Bhagwan Birsa Munda ji in Bankura, West Bengal today.
Birsa Munda ji’s life was dedicated towards the rights and upliftment of our tribal sisters & brothers. His courage, struggles and sacrifices continue to inspire all of us. pic.twitter.com/1PYgKiyDuY
— Amit Shah (@AmitShah) November 5, 2020
परंतु अमित शहांकडून झालेला प्रकार लक्षात आल्यानंतर विरोधी पक्षाने शहांवर जोरदार टिका करण्यास सुरुवात केली. तर तृणमूल काँग्रेसने भाजपावर चांगलाच निशाणा साधला. सध्या या घडलेल्या प्रकारामुळे प. बंगालमध्ये राजकीय वातावरण चांगलेच तापले आहे. तसेच “भाजपने आम्हाला फसवले, त्यांच्या अशा कृतीने आम्ही अत्यंत दुःखित झाल्याची प्रतिक्रिया दिली. या घटनेनंतर स्थानिक आदिवासी कार्यकर्त्यांनी या मूर्तीवर गंगाजल घालून ती शुद्ध केल्याचे भारत जकात माझी परगना महल या आदिवासी संघटनेने म्हणले आहे.
नक्की वाचा –
“मी ब्राह्मणाला मुख्यमंत्रीपद दान केलं”; खडसे यांची फडणवीस यांच्यावर नाव न घेता टीका
मराठा मशाल मोर्चा मातोश्रीवर धडकणार का?
फॅक्ट चेक: जगभरात नाही तर महाराष्ट्रात ७ नोव्हेंबर हा ‘विद्यार्थी दिवस’ म्हणून केला जातो!
