आपण भारतीय लोकांनी परदेशात जाऊन नाव मिळवल्याच्या अनेक अभिमानास्पद घटना आणि बातम्या मागच्या काही दिवसांत बघितल्या आहेत. यामध्येच अजुन एक अशीच बातमी न्यूझीलंड मध्ये भारतीयांसाठी गौरवास्पद ठरली आहे. न्यूझीलंडच्या संसदेत भारतीय वंशाच्या एका महिलेला प्रवेश मिळाला आहे. गुरुवारी शपथविधी वेळी त्यांनी शपथ घेताना मल्याळम भाषेतून बोलल्या आहेत, सध्या त्याचा व्हिडिओ व्हायरल होतो आहे. प्रियांका राधाकृष्णन असं त्यांचं नाव आहे.
“मंत्रिपदाची शपथ घेताना प्रियांका यांनी मल्याळी भाषेत शपथ आणि ही गोष्ट आपल्यासाठी गौरवास्पदच आहे.” असं ट्विट केंद्रीय मंत्री हरदीप सिंग पुरी यांनी व्हिडिओ पोस्ट करत केलं आहे.
शाळांना १४ दिवसांची दिवाळी सुट्टी…
प्रियांका यांचं मूळ कुटुंब हे केरळचं. त्यांचा जन्म मात्र चेन्नईमध्ये झाला होता. बालपण हे सिंगापूरमध्ये गेलं तर शिक्षण न्यूझीलंडमध्ये झालं आहे. त्यानंतर त्या तिथेच स्थायिक झाल्या. प्रियांका यांनी शपथ घेतानाच “इथं कदाचित पहिल्यांदाच मल्याळम बोलली जात असेल.” असं म्हणत सुरुवात केली. त्यामुळे हा व्हिडिओ व्हायरल तर होतोच आहे बरोबर प्रियांका यांचं कौतुक देखील नेटकरी करताना दिसत आहेत. या विडिओवरती एका युजरने कमेंट केली आहे की, “माझ्या अंगावर काटा आला, ही क्रांती आहे.”
