भाऊबीजेचे अवचित्य साधून अमृता फडणवीस यांनी महिलांवर आधारित ‘तिला जगू द्या’ हे गाणे सगळ्या भाऊरायाला समर्पित केले होते. “आपलं गाणं प्रत्येक भाऊरायाला समर्पित होतं. भाऊबीजेला माझ्या सर्व भावांना एकच मागणं आहे. तिला शिकू द्या. जगण्याचा हक्क तिलाही घेऊ द्या. समाज भक्कम करायचा असेल तर तिला आधी सक्षम होऊ द्या. दिवाळीच्या शुभेच्छा देत असताना प्रत्येक भगिनीला समर्पित आहे माझे गीत ‘तिला जगू द्या” असे म्हणत त्यांनी या गाण्याच्या व्हीडिओला शेअर करत ट्विट केले होते.
यानंतर या गाण्याला दोन दिवसांमध्ये दहा लाख व्ह्यूज मिळावे. यासाठी अमृता यांनी सर्वांचे आभार देखील मानले. “कौतुक आणि टीका दोघांचही मी स्वागत करते. तुमच्यासाठी नवीन काहीतरी घेऊन लवकरच मी पुन्हा येईन” असे अमृता लोकसत्ताशी बोलतांना म्हणाल्या.
Thank you so much for appreciating the Womens’ song- tila jagu dya with views touching 10 lakh in 2 days ! I welcome both appreciation and criticism from you – will soon come back with something new for you !
— AMRUTA FADNAVIS (@fadnavis_amruta) November 17, 2020
परंतु या गाण्यावर नेटकऱ्यांनी कौतुकासोबत टिकांचा ही पाऊस पाडला. या टिकांमध्ये सोशल मीडियावर सक्रिय असणाऱ्या तसेच समाजात घडणाऱ्या विविध घडामोडिंवर ते रोखठोकपणे आपली भूमिका मांडणाऱ्या निर्माते महेश टिळेकर यांचा ही सामावेश होता. म्हशीचं हंबरणं चालेल पण हे गाणं नको अशी रोकठोक प्रतिक्रीया टिळेकर यांनी दिली आहे.
तसेच “चांगला आवाज असूनही केवळ नाव नाही हाती भरपूर पैसा नाही म्हणून नवीन गायकांना कुणी मदतीचा हात देऊन संधी देणारा पाठीशी उभा राहत नाही. सुमधुर आवाज असलेल्या महाराष्ट्रातील अनेक नवीन गायकांना साधा कुठं संधी मिळत नाही पण जिचा आवाज ऐकला की कानाचे पडदे फाटण्याची भीती निर्माण होते ,लाखो तरुणांच्या हृदयात धडकी भरते आणि गाणं हे दुसऱ्याला आनंद देण्याऐवजी दुःख देण्यासाठीच गायले जाते असा समजच होण्याची शक्यता निर्माण होते अशी एक आपल्याच विश्वात धुंद होऊन गाणारी विश्र्वगायिका लोकांना सातत्याने का छळत आहे,” टिळेकर म्हणाले आहेत. त्यांनी फेसबुक पोस्टमध्ये ही प्रतिक्रीया दिली आहे.
महत्वाच्या बातम्या – राऊत नेलकटरला घाबरतात आणि वार्ता मात्र तलवारीच्या करतात -निलेश राणे
