वडीलांच्या आरोपांवर शेहला रशीदने ट्विट करून केला खुलासा…

शेहला रशीद हिच्यावर तिच्या वडिलांनी गंभीर आरोप केले आहेत. तिच्या वडिलांनी जम्मू काश्मीर पोलीस महासंचालकांकडे याबाबत तक्रार केली आहे. शेहला ही राष्ट्रविरोधी आहे आणि तिच्यापासून आपल्याला धोका देखील आहे असे गंभीर आरोप तिच्या वडिलांनी केले आहेत. त्याचबरोबर ती बेरोजगार असुन तिच्याकडे एवढे पैसे कुठून आले? याची चौकशी होण्याची मागणी देखील त्यांनी केली आहे.

दरम्यान हे आरोप शेहला रशीद यांनी फेटाळून लावले आहेत. त्यांनी ट्विट करून याबाबत खुलासा केला आहे.

काय केला खुलासा?

1) Many of you must have come across a video of my biological father making wild allegations against me and my mum & sis. To keep it short and straight, he's a wife-beater and an abusive, depraved man. We finally decided to act against him, and this stunt is a reaction to that. pic.twitter.com/SuIn450mo2

— Shehla Rashid (@Shehla_Rashid) November 30, 2020

शेहला रशीद हिने ट्विट करून असं सांगितलं आहे की, अनेकांनी माझ्या वडिलांचा माझ्याबद्दलचा व्हिडिओ पाहिला असेल, त्यामध्ये माझ्या वडिलांनी आमच्यावर गंभीर आरोप केले आहेत. परंतु खरंतर ती व्यक्ती माझ्या आईला मारहाण आणि शिवीगाळ करणारी व्यक्ती आहे. त्यामुळे आम्ही त्यांच्याविरोधात गेलो होतो आणि त्याचा बदला म्हणून त्यांनी या गोष्टी केल्या आहेत.