राष्ट्रवादी कॉंग्रेसचे अध्यक्ष शरद पवार यांनी खासदार सुप्रिया सुळेंबद्दल एक महत्वाचं विधान केलं आहे. शरद पवार म्हणाले की ” सुप्रिया सुळेंना राज्याच्या राजकारणात रस नाही तर त्यांना केंद्राच्या राजकारणात रस आहे” यामुळे सुप्रिया सुळेंच्या मुख्यमंत्री पदाच्या चर्चेला पुर्णविराम लागलेला आहे.
शरद पवार हे लोकमत या वृत्तसमुहाशी बोलत होते. एका कार्यक्रमात भाजप नेते आशिष शेलाय यांनी महाराष्ट्राला मराठा स्त्री मुख्यमंत्री व्हावी ही इच्छा बोलुन दाखवली होती. यानंतर भविष्यात महाराष्ट्रात सुप्रिया सुळे मुख्यमंत्री होतील का अशी चर्चा रंगली होती.
“सुप्रिया यांना देशपातळीवर अनेक पुरस्कार मिळाले आहेत. त्यांना राष्ट्रीय पातळीवर काम करायला आवडतं, प्रत्येकाचा एक इंटरेस्ट असतो सुप्रियांचा देश पातळीवर काम करण्यात आहे” असं यावेळी शरद पवार म्हणाले.
