देशात सध्या शहरांची रस्त्यांची नावे बदलण्याची मोहिम सुरू आहे. तर महाराष्ट्रातही औरंगाबादचे नामांतर करण्याची मागणी होत आहे. परंतु गुजरातमध्ये चक्क फळाचेच नाव बदलण्यात आले आहे.
भाजपाचे सरकार असलेल्या गुजरातमध्ये मुख्यमंत्री विजय रुपाणी यांनी थेट ड्रॅगन फ्रुट म्हणून प्रसिद्ध असलेल्या फळाचे कमलम (कमळ) या नावाने नामकरण केले आहे.
फळाला ड्रँगन शब्द वापरणं चांगलं नाही. ड्रॅगन हे फळ कमळासारखं दिसत. त्यामुळे या फळाला नावं संस्कृत शब्दानुसार कमलम हे देण्यात आलं असल्याचे रुपाणी यांनी सांगितले आहे. त्यामुळे जगभरात ड्रॅगन फ्रूट नावाने प्रसिद्ध असलेलं फळ गुजरातमध्ये कमलम या नावाने ओळखलं जाणार आहे.
नाव बदलण्यासाठी करण्यात आली होती याचिका दाखल
गुजरात मध्ये कच्छ आणि नवसारी या भागात शेतकरी ड्रॅगन फ्रूटची शेती करण्यात येत असल्याने या भागात मोठ्या प्रमाणात ड्रॅगन फ्रूटचं उत्पादन घेतलं जाते.
ड्रॅगन फ्रूट हे फळ कमळासारखे दिसत असल्यामुळे शेतकरीही या फळाला कमळ फळ म्हणून ओळखू लागले आहेत. त्यामुळे गुजरातच्या वन विभागाने भारतीय कृषी संशोधन परिषदेकडे ड्रॅगन फ्रूटचं नाव बदलण्याची याचिका दाखल करण्यात आली. पुढे या फळाला कमळ नाव देण्याची मागणी राज्य सरकारकडून देखील केली.
यानंतर कोणत्याही फळाला ड्रॅगन हा शब्द वापरणं योग्य नाही असं म्हणत कृषी संशोधन परिषदेकडे विनंती केलेली असतानाच मुख्यमंत्री विजय रुपाणी यांनी ड्रॅगन फ्रूटच्या नावाची घोषणा केली.
