पुणे: पुण्यातील सदाशिव पेठेतून एक धक्कादायक प्रकार समोर आला आहे. एमपीएससीच्या परीक्षेची तयारी करत असणार्‍या तरुणाने विषप्राशन करून आत्महत्या केली आहे.
अमर मोहिते वय 33 हा विद्यार्थी पीएसआयच्या फिजिकल परीक्षेतून बाहेर पडला. यानंतर तो नैराश्यात जाऊन त्यांनी टोकाचे पाऊल उचलले असल्याची माहिती सूत्रांकडून मिळाली आहे. मुळचा सांगलीचा असणारा अमर स्पर्धा परीक्षेसाठी पुण्यात आला होता.
मराठा आरक्षण रद्द झाल्यानंतर अमर पीएसआय फिजिकल परीक्षेतून बाहेर पडला. त्यावेळेपासून अमरने नैराश्यात होता.
सकाळी (15. जानेवारी) अमरने आत्महत्या केली आहे. सदाशिव पेठेतील वस्तीगृहात राहणाऱ्या अमरने विषप्राशन करून स्वतःचा जीव गमावला.
दरम्यान, स्पर्धा परीक्षेचा अभ्यास करणारा विद्यार्थी स्वप्नील दिवेकरच्या आत्महत्येनंतर अमर मोहितेचे नाव या यादीत लागला आहे. त्यामुळे सर्वत्र हळहळ व्यक्त केली जात आहे.
कोरोनाच्या काळात अनेक परीक्षा पुढे ढकलल्या गेल्या आहेत. मात्र याचा फटका अनेक विद्यार्थ्यांना बसला. याच तणातनावातून अमरने आत्महत्या केल्याचे बोलले जात आहे.
