गेल्या चार पाच दिवसांपूर्वी अभिनेता रणवीर सिंगने न्यूड फोटो शूट केले आहे. सध्या त्याचे हेच न्यूड फोटो शूट सोशल मीडियावर चर्चेचा भाग बनले आहेत. अनेकांनी त्याच्या या फोटोशूटवर वेगवेगळ्या प्रतिक्रिया दिल्या आहेत. तर काहींनी रणवीरच्या या फोटोशूटवर तुफान मिम्स वायरल केले आहेत.
या सगळ्यात रणवीरच्या न्यूड फोटो शूटवर अभिनेत्री आणि तृणमूल काँग्रेसच्या खासदार मिमी चक्रवर्ती यांनी भाष्य केले आहे. मिमी चक्रवर्ती यांनी एक ट्विट शेअर करत “रणवीर ऐवजी जर एखाद्या मुलीने असे फोटोशूट केले असते तर चालले असते का” असा सवाल उपस्थित केला आहे.
https://www.instagram.com/p/CgUQICThYn4/?igshid=YmMyMTA2M2Y=
आपल्या ट्विटमध्ये मिमीने म्हटले आहे की, “रणवीरच्या फोटोवरच्या अनेक कमेंट्स पाहिल्या. सगळ्या कमेंट्स एकदम जोरदार होत्या. पण, जर ते करणारी बाई असती तर तिचंही सारखंच कौतुक केलं असतं का? की तुम्ही मोर्चा काढून तिचं घर जाळलं असतं? तिला मारून टाकलं असतं?”
तसेच “आपण समतेबद्दल बोलतो, मग कुठे गेली ती आता? तुमच्या दृष्टिकोनामुळे एखादी गोष्ट घडू शकते किंवा बिघडू शकते. या प्रकरणात आपण आपल्या जाणिवा विस्तारण्याची गरज आहे. कारण असं शरीर एका दिवसात कमावता येत नाही. त्यासाठी बरीच तडजोड करावी लागते,” असे रोखठोक भाष्य करत मिमीने अनेक सवाल उपस्थित केले आहेत.
Internet broke with Ranveer singh’s latest photoshoot and comments were 🔥🔥🔥(mostly).Just wondering if the appreciation would hav been same if she was a woman.Or would u have burned her house down,taken up morchas given her a death threat and slut shamed her.(1/1)
— Mimi chakraborty (@mimichakraborty) July 21, 2022
दरम्यान रणवीर सिंगचे हे न्यूड फोटोशूट पाहून त्याचे चाहते देखील चकित झाले आहेत. अनेकांनी त्याच्या या न्यूड फोटोशूटवर आक्षेप नोंदवला आहे. परंतु सांगायला झाले तर यापूर्वी अनेक अभिनेत्यांनी असे न्यूड फोटोशूट वेगवेगळ्या ब्रँडसाठी केले आहेत. रणवीरने देखील अशाच एका कारणासाठी न्यूड फोटोशूट केले आहे.
