विवेक अग्निहोत्री यांच्या काश्मीर फाईल्सवरून देशांत बराच वाद निर्माण झाला होता. देशातील भाजप शासित अनेक राज्यात हा चित्रपट करमुक्त दाखवण्यात आला होता. तर “हा चित्रपट एक प्रपोगांडा फिल्म आहे” असा आरोप दुसऱ्या बाजूला कायम होत आलाय.
याच धर्तीवर गोव्यात सुरू असलेल्या आंतरराष्ट्रीय चित्रपट महोत्सवात IFFI काश्मीर फाईल्सचा समावेश करण्यात आला होता. २८ नोव्हेंबर दिवशी या कार्यक्रमाची सांगता झाली. मात्र यावेळी बोलताना IFFI चे प्रमुख ज्युरी इस्रायली चित्रपट निर्माते नादव लॅपिड यांनी केलेलं वक्तव्य चर्चेचा विषय ठरलं आहे.
काय म्हणाले नादव लॅपिड ?
“या महोत्सवतील १५ वा चित्रपट ‘द काश्मिर फाईल्स’ पाहून आम्हा सगळ्यांनाच धक्का बसला. आम्ही खूपच अस्वस्थ झालो. आमच्या मते हा चित्रपट एका विशिष्ट विचारधारेचा प्रचार करणारा (प्रोपगंडा) आणि असभ्य(वल्गर) चित्रपट आहे. एवढ्या प्रतिष्ठित सोहळ्यात या चित्रपटाला स्थान मिळणं हे अयोग्य आहे.”
#Breaking: #IFFI Jury says they were “disturbed and shocked” to see #NationalFilmAward winning #KashmirFiles, “a propoganda, vulgar movie” in the competition section of a prestigious festival— organised by the Govt of India.
🎤 Over to @vivekagnihotri sir…
@nadavlapi pic.twitter.com/ove4xO8Ftr— Navdeep Yadav (@navdeepyadav321) November 28, 2022
दरम्यान, नादव लॅपिट यांच्या वक्तव्याचा व्हिडीओ सोशल मीडियावर व्हायरल होत आहे. यामुळे सोशल मीडियावर अनेकांनी विवेक अग्निहोत्री आणि काश्मीर फाईल्सवर निशाणा साधला आहे.
